کیتھولک عیسائیوں کے روحانی پیشوا پوپ فرانسس کے تابوت کی پہلی تصویرجاری کردی گئی ہے، آخری رسومات ہفتے کے روز ادا کی جائیں گی۔

عالمی نشریاتی ادارے کے مطابق کیتھولک عیسائیوں کے روحانی پیشوا پوپ فرانسس کی آخری رسومات ہفتے کے روز سینٹ پیٹر بیسلیکا میں ادا کی جائیں گی۔ ویٹیکن کی جانب سے آنجہانی پوپ فرانسس کے تابوت کی پہلی تصویرجاری کردی گئی گئی ہے۔

پوپ فرانسس کی میت بدھ کی صبح کاڈینلز کی قیادت میں ان کی رہائش گاہ سانٹا مارٹا کے چیپل سے سینٹ پیٹر بیسلیکا پہنچائی جائے گی جب کہ آخری رسومات کے  سلسلے میں تیاریاں جاری ہیں۔

آنجہانی پوپ کی آخری رسومات میں امریکی صدر ڈونلڈ ٹرمپ، ان کی اہلیہ، روسی صدر ولادیمیر پیوٹن، برازیلین اور یوکرین کے صدورکے ساتھ ساتھ دیگر ممالک کے سربراہان اور کیتھولک عیسائی روحانی پیشوا بھی  شرکت کریں گے۔

آنجہانی پوپ فرانسس پیر کے روز 88 برس کی عمر میں پھیپھؑڑوں کے عارضے کے سبب انتقال کرگئے تھے۔ 5 ہفتے نمونیا کے مرض میں مبتلا رہنے اور اسپتال میں زیر علاج ہونے سے قبل  آنجہانی پوپ فرانسس نے غزہ میں اسرائیلی فوجی مہم کو انتہائی شرمناک قراردیا تھا۔

ایسٹر کے موقع پربھی سینٹ پیٹر بیسلیکا کے بالکونی سے خطاب میں انہوں نے غزہ میں فوری جنگ بندی کی اپیل بھی کی تھی۔ انہوں نے کئی مواقعوں پرفلسطین اورغزہ میں جاری اسرائیلی جارحیت کو روکنے کی اپلیں کی تھیں۔

آنجانی پوپ فرانسس میں عیسائی رسومات کے مطابق کفن میں لپٹے اور تابوت کی پہلی تصور جاری کردی گئی ہے جو تیزی سے دنیا میں بھر میں وائرل ہورہی ہے ۔ ہفتے کو آخری رسومات اور دنیا بھر سے سربراہان ممالک کی آمد کے تناظر میں تیاریوں کو حتمی شکل دی جاری ہے۔