بھارت کے شہر کولکتہ کے ایک ہوٹل میں آگ لگنے سے 2 بچوں سمیت 14 افراد ہلاک ہوگئے ہیں، منگل کی رات کو جس وقت آگ بھڑکی، اس وقت ہوٹل میں 50 کے قریب افراد موجود تھے۔
بتایا جارہا ہے کہ 6 منزلہ ہوٹل میں آگ کچن سے شروع ہوئی جس نے دیکھتے ہی دیکھتے پوری بلڈنگ کو اپنی لپیٹ میں لے لیا، آگ کی اطلاع ملتے ہی ریسکیو حکام جائے وقوعہ پر پہنچے اور امدادی کارروائیاں شروع کیں۔
ریسکیو حکام کے مطابق زیادہ تر ہلاکتیں دھویں کے باعث دم گھٹنے سے ہوئی ہیں، زیادہ تر افر کو سیڑھیوں پر بے ہوش پایا گیا تھا، ایک شخص کی ہلاکت کھڑکی سے چھلانگ لگانے کے باعث ہوئی، 2 افراد کو شدید زخمی حالت میں اسپتال منتقل کیا گیا ہے۔