پہلگام فالس فلیگ آپریشن کی ناکامی سے بھارتی فضائیہ بھی بوکھلاہٹ کاشکار ہے ، اپنی ہی آبادی پر بم گرا دیا جس سے متعدد مکانات تباہ جبکہ ہلاکتوں کی بھی اطلاعات ہیں۔

یہ واقعہ بھارتی ریاست مدھیہ پردیش کےعلاقے شیوپوری میں پیش آیا، ایسا لگتا ہے کہ بوکھلاہٹ کا شکار بھارتی فضائیہ اپنے ہی عوام کی دشمن بن گئی ہے۔

بھارتی فضائیہ کے لڑاکا طیارے کی جانب سے اپنی ہی آبادی پر بم  گرانے کا یہ واقعہ بھارتی فضائیہ کی نااہلی کا منہ بولتا ثبوت ہے،واقعے میں آبادی کو شدید نقصان پہنچا ہے۔

دفاعی ماہرین کا کہنا ہے کہ یہ واقعہ بھارتی فضائیہ کی غیرذمہ داری اوربوکھلاہٹ کو ظاہر کر رہا ہے، اکثر حادثات میں بھارتی فضائیہ کے لڑاکا طیارے آبادی پر بھی گرچکے ہیں۔

ماہرین کے مطابق پے درپے جدید طیاروں، بموں کا گرنا بھارتی فضائیہ کی دفاعی صلاحیت پرسوالیہ نشان ہے،بھارتی فضائیہ جدیدٹیکنالوجی میں ناکامی کےساتھ پائیلٹس کی تربیت میں بھی ناکام  ہے۔