آئینہ دکھانے پرمودی سرکار طیش میں آگئی، پاکستانی میڈیا نے پہلگام واقعے کا ڈرامہ بری طرح بے نقاب کردیا جس پر بھارتی حکومت فسطائیت کا شکار ہوگئی۔

مودی اور بھارتی قومی سلامتی کے مشیر اجیت دودل کی پالیسی بری طرح ناکام ہوچکی ہے ۔ ’’کھسیانی بلی کھمبا نوچے‘‘ کی مصداق بھارتی حکومت اپنے ہی ملک کے یوٹیوبرز کو دھمکیاں دینے لگی۔

پاکستانی میڈیا اور سوشل میڈیا نے پہلگام واقعے کے بعد بھارتی بیانیے کو دفن کر دیا جس کے بعد کچھ بھارتی میڈیا ہاؤسز نے بھی مودی سرکار کی بیانیے کی مخالفت شروع کردی ہے۔

فسطایت کا شکار مودی سرکار نے پاکستانی یوٹیوبرز اور میڈیا کے یوٹیوب چینلز کو تو بند کردیا مگر ایسے بھارتی چینلز اور یوٹیوبرز جو حکومتی بنانیے کی مخالفت کررہے ہیں انہیں بھی دباؤ میں لینے کی کوشش کی جارہی ہے، پہلگام واقعے سے متعلق سخت سوالات پر بھارتی حکومت کی چیخیں نکل گئیں۔

پاکستانی میڈیا کی جاندار اور موثر حکمت عملی کے سبب  بی جے پی حکومت کو پہلگام ڈرامے کا  سچ عیاں ہونے کا خوف لاحق ہوگیا ہے۔

سینسرشپ کے ذریعےعالمی تنقید چھپانے کی ناکام کوشش جاری ہے اور پہلگام واقعے سے متعلق کھڑی کی گئی جھوٹ کی دیوار لرزنے لگی ہے۔

پاکستانی میڈیا نے بھارت کی جعلی جنگی مہم کا ڈٹ کرمقابلہ کیا، مودی سرکار کو آئینہ دکھایا تو بھارت تلملا اٹھا۔ کشمیر میں غیر جانبدار اور آزاد تحقیقات ناگزیر ہوچکی ہیں۔