پہلگام فالس فلیگ کے بعد بھارت پر جنگی جنون سوار ہے، معصوم شہری بھارت کے جنگی جنون کا شکار ہوگئے ہیں۔

ذرائع کے مطابق بھارتی فوج کے قافلے کے ہاتھوں 6 سکھ شہری ہلاک ہوگئے ہیں، معصوم سکھ شہریوں میں عورتیں اور بچے بھی شامل ہیں۔

ذرائع نے بتایا کہ بھارتی قافلہ پاکستان کے ساتھ بڑھتی کشیدگی کے پیش نظر سرحد کی جانب بڑھ رہا تھا، تحقیقات سے ثابت ہوا کہ ڈرائیور نشے میں تھاْ

بھارتی فوج نے جنگی جنون میں معصوم شہریوں کو ہلاک کردیا۔

واضح رہے کہ بھارت نے مقبوضہ کشمیر کے مسلم اکثریتی علاقے پہلگام میں 22 اپریل کو 26 سیاحوں کی ہلاکت کے بعد 23 اپریل کو سندھ طاس معاہدہ فوری طور پر معطل کرنے کا اعلان کیا تھا۔

جس کے بعد دونوں ممالک کے درمیان کشیدگی عروج پر ہے، ماہرین کو خدشہ ہے کہ اگر پاک بھارت تعلقات کو معمول پر نہ لایا گیا تو یہ کشیدگی نیوکلیئر جنگ میں بھی تبدیل ہوسکتی ہے، جو پوری دنیا کے لیے ایک خوفناک تصور ہے۔