را کے سابق سربراہ امرجیت  سنگھ دولت نے اعتراف کیا کہ پہلگام فالس فلیگ حملہ سیکیورٹی کی ناکامی ہے۔

بھارتی را کے سابق سربراہ نے بی بی سی کو انٹرویو دیتے ہوئے کہنا تھا کہ پہلگام میں کوئی سیکورٹی نہیں تھی، جنگ کا مطلب نیوکلیئر جنگ ہے، جوکہ آخری اور بدترین آپشن ہے۔

یہ بھی پڑھیں: پہلگام حملہ: سوشل میڈیا پر جعلی خبریں زیرِگردش، عالمی ادارے کی تحقیقاتی رپورٹ میں اہم انکشافات

را کے سابق سربراہ کے مطابق پہلگام حملے کے ثبوت دینے سے معاملہ بین الاقوامی سطح پر پھیل جائے گا، جبکہ کشمیری مسلمانوں کیخلاف بھارت میں تشدد غلط ہے، پہلگام حملے میں کشمیریوں کا کوئی قصور نہیں۔

اس ضمن میں دفاعی ماہرین کا کہنا ہے کہ بھارتی ایجنسی را کےسابق سربراہ امر جیت سنگھ دولت کے بیانات پہلگام حملے کےفالس فلیگ ہونے کا واضح اقرار ہے، بی جے پی نے ہر دور حکومت میں فالس فلیگ حملے کر کےانتہا پسند ہندوؤں کو بھڑکایا اور سیاسی فائدہ اٹھایا۔