بھارت کو ماضی کی طرح اس بار بھی منہ کھانی پڑی ہے، مودی سرکار نے پہلگام واقعے کا جھوٹا اور گمراہ کن پروپیگنڈہ رچایا، تاہم حقائق منظر عام پر آنے پر بھارت حواس باختہ ہوگیا ہے۔

ذرائع کے مطابق پاکستان کی جانب سے پہلگام واقعے پر الزامات کے بجائےحقائق بیان کرنے پر بھارت شدید بوکھلاہٹ کا شکار ہے، پاکستان نے ریاستی سرپرستی میں بھارتی دہشتگردی کے شواہد پوری دُنیا کے سامنے آشکار کر دیے، جس کے بعد جنگی جنون میں مبتلا بھارت حقائق کی بجائےالزامات درالزامات کی سیاست کر رہا ہے۔

ذرائع کا کہنا ہے کہ بھارت ڈی جی آئی ایس پی آر کے بیان کردہ حقائق کو جھٹلانے میں بری طرح ناکام رہا ہے۔

یہ بھی پڑھیں: پہلگام واقعہ کی درج ایف آئی آر نے مودی حکومت کا جھوٹ بے نقاب کر دیا

واضح رہے کہ ڈی جی آئی ایس پی آر نے ایک پریس کانفرنس میں پہلگام فالس فلیگ آپریشن کے حقائق بیان کیے تھے، تاہم حقائق منظر عام آنے کانگریس لیڈران کو پر بی جے پی کے انتہاپسند ہندوؤں کی جانب سے  شدید تنقید اور دھمکیوں کاسامنا کرنا پڑ رہا ہے۔

ذرائع کے مطابق کانگریس لیڈر وجے ودیتیوار نے پہلگام حملے کے بعد بی جے حکومت اور بھارتی فوج کی ناکامی پرشدید تنقید کی تھی، بھارتی سول سوسائٹی اور کئی اپوزیشن رہنماؤں نے بھارتی فوج کی ناکامی پر سوالات اٹھائے دیے۔

بھارتی میڈیاپہلے بھی حقائق چھپانے کےلیے سچ بولنے والی آوازوں پر پابندیاں لگا چکا ہے، پہلگام حملے کے بعد بوکھلاہٹ کا شکار بھارت نے پاکستان کے کئی چینلز اور سوشل میڈیااکاؤنٹس پر پابندی لگادی ہے۔

دفاعی ماہرین کا کہنا ہے کہ حقائق کا سامنا کرنے کی بجائے بھارت اختلافی آوازوں پر ظلم و ستم میں مصروف ہے، بھارت کی بوکھلاہٹ سے واضح ہے کہ ڈی جی آئی ایس پی آر نے حقائق  بیان کیے ہیں، مودی سرکار کوحقیقت پسندانہ رویہ اختیار کرکے اپنی ناکامی کا اعتراف کرنا چاہیے۔