ٹیسلا اور اسپیس ایکس کے بانی ایلون مسک ٹرمپ انتظامیہ کے اہم عہدے سے دستبرداری کا اعلان کرتے ہوئے حکومت سےعلیحدہ ہوگئے ہیں۔

امریکی میڈیا کے مطابق ایلون مسک نے صدر ٹرمپ کو بتائے بغیر مشیر کا عہدہ چھوڑا ہے۔

اپنے بیان میں ایلون مسک نے کہا کہ حکومت کے خصوصی ملازم کی حیثیت سے میرا کام ختم ہوگیا، صدر ٹرمپ کا شکر گزار ہوں کہ انہوں نےفضول اخراجات کم کرنےکاموقع دیا۔

یہ بھی پڑھیں: کالج میں آپ تفریح کرسکتے ہیں لیکن وہ علم کے حصول کا واحد راستہ نہیں، ایلون مسک

واضح رہے کہ ارب پتی ایلون مسک امریکی صدر کے مشیر تھے، جبکہ وائٹ ہاؤس نےایلون مسک کی حکومت سےعلیحدگی کی تصدیق کردی ہے۔

دوسری جانب امریکی وفاقی عدالت نےصدرٹرمپ کوٹیرف کےتقررسےروکتے ہوئے کہا کہ ٹرمپ کومحصولات مقررکرنےکااختیارحاصل نہیں ہے۔

ٹرمپ انتظامیہ نےوفاقی عدالت کےفیصلےکےخلاف اپیل دائرکردی ہے۔

وائٹ ہاؤس سے جاری ایک بیان کے مطابق ججوں کاکام نہیں کہ وہ یہ فیصلہ کریں قومی ایمرجنسی سےکیسےنمٹاجائے، عدالتی بغاوت قابوسےباہرہوچکی ہے۔