معروف ٹیکنالوجی کمپنی ٹیسلا اوراسپیس ایکس کے مالک ایلون مسک نے امریکی صدر ڈونلڈ ٹرمپ کے مجوزہ ٹیکس میں کٹوتی اور حکومتی اخراجات سے متعلق بل پر شدید تنقید کرتے ہوئے اسے گھناؤنااورمکروہ فعل قرار دے دیا ہے۔

ارب پتی صنعتکار ایلون مسک نے کہاکہ یہ بل وفاقی خسارے میں مزید اضافہ کرے گا اور قوم کے مستقبل پر منفی اثرات ڈالے گا۔

اپنی سوشل میڈیا پلیٹ فارم X (سابقہ ٹوئٹر) پر جاری بیان میں ایلون مسک نے کہا کہ ڈونلڈٹرمپ کےکٹوتی اوراخراجات بل کومزیدبرداشت نہیں کرسکتا، یہ کانگریس کا ایک بڑا، فضول اور ناقابل قبول اخراجاتی بل ہے، جو ایک مکروہ عمل ہے۔

یہ بھی پڑھیں: ایلون مسک ٹرمپ انتظامیہ سےعلیحدہ، اہم عہدے سے دستبرداری کا اعلان

ایلون مسک نے مزید کہا کہ جنہوں نےاس بل کےحق میں ووٹ دیاانہیں شرم آنی چاہیے۔

واضح رہے کہ ایلون مسک نے اس سے قبل مستقبل میں امریکی سیاسی مہمات میں اپنی مالی معاونت محدود کرنے کا عندیہ تھا اور اس کےبعد وہ ٹرمپ انتظامیہ کے  اہم عہدے سے دستبرداری کا اعلان کرتے ہوئے حکومت سےعلیحدہ ہوگئے تھے۔