ایرانی پارلیمان نے آبنائے ہرمز کو بند کرنے کی منظوری دے دی۔ جو دنیا کی سب سے اہم توانائی گزرگاہوں میں سے ایک تصور کی جاتی ہے۔

ایرانی سرکاری میڈیا کے حوالے سے بتایاجارہاہے کہ ایرانی پارلیمان نے آبنائے ہرمز کوباقاعدہ بند کرنے کی قرارداد منظورکرلی۔
تاہم اس اقدام پر حتمی فیصلہ ایران کی اعلیٰ قومی سلامتی کونسل (سپریم نیشنل سیکیورٹی کونسل) دے گی۔  جو ایران میں عسکری و دفاعی فیصلوں کا سب سے بااختیار ادارہ ہے۔

آبنائے ہرمز کو بند کرنے کے خطے پرممکنہ اثرات کیاہوسکتے ہیں؟

ایرانی پارلیمان نے آبنائے ہرمز کو بند کرنے کی منظوری دے دی گئی ہے۔ اس کے اثرات خطے پر کیا ہوسکتے ہیں؟۔ یہ جاننا بھی ضروری ہے ۔

آبنائے ہرمزخلیج فارس کو بحیرہ عمان سے ملاتی ہے۔ روزانہ قریباً 2 کروڑ بیرل تیل اسی راستے سے دنیا بھرکومنتقل ہوتا ہے۔
اس گزرگاہ کے شمالی کنارے پر ایران جب کہ جنوبی کنارے پر عمان اور متحدہ عرب امارات ہیں۔
آبنائے ہرمزکم سے کم چوڑائی 21 میل ہے۔ اسے توانائی کے عالمی تجارتی راستوں میں نقطہ انجماد بھی کہا جاتا ہے۔

ایرانی پارلیمان کا یہ اقدام ایسے وقت پر سامنے آیا ہے جب مشرق وسطیٰ میں ایران اوراسرائیل جنگ عروج پرپہنچ چکی ہے۔ پورے خطے کو ایک ممکنہ جنگ کی طرف دھکیل دیا گیاہے۔
ایران کے مطابق امریکا اور اسرائیل نے ایٹمی تنصیبات پرحملے  کرکے اسکی خودمختاری کو چیلنج کیا ہے۔ ایرانی حکام کاکہناہے کہ  اس کاجارحیت کاسخت جواب دینا لازم تھا۔

تیل کی قیمتیں بڑھ چکیں،ترسیل کاںظام شدید متاثرہوگا

اس غیر معمولی صورتحال نے عالمی منڈی پر بھی شدید اثر ڈالا ہے۔ خام تیل کی قیمتیں جنوری 2025 کے بعد بلند ترین سطح پر پہنچ گئی ہیں۔

رپورٹ کے مطابق امریکی خام تیل (ویسٹ ٹیکساس انٹرمیڈیٹ) 74.84 ڈالر فی بیرل پر بند ہوا۔ برینٹ کروڈ آئل کی قیمت میں 4 فیصد اضافہ ہوا۔
عالمی سطح پر خام تیل کی قیمت میں گزشتہ ایک ماہ میں 23 فیصد اضافہ ریکارڈ کیا گیا۔

BREAKING: Iran’s parliament votes to shut down the Strait of Hormuz following U.S. military strikes global oil routes now hang in the balance. pic.twitter.com/22z7ZInk6B

— Defense Intelligence (@DI313_) June 22, 2025

مزید برآں خلیج عمان میں حالیہ دنوں میں دو تیل بردار بحری جہازوں کے تصادم نے بھی آبنائے ہرمز سے متعلق عالمی خدشات کو مزید بڑھا دیا۔
علاوہ ازیں  تیل کی ترسیل متاثر ہونے کے خطرات پیدا ہوگئے ہیں۔