امریکی محکمہ خارجہ کی ترجمان ٹیمی بروس نے کہا کہ حیران نہیں ہوناچاہیےجب صدر ٹرمپ کسی معاملےکوحل کرناچاہیں، ٹرمپ پاکستان بھارت اختلافات، نسل درنسل جنگ کوحل کرناچاہتے ہیں۔

امریکی محکمہ خارجہ کی ترجمان ٹیمی بروس نے پریس بریفنگ دیتے ہوئے کہا کہ انڈرسیکریٹری ایلیس ہوکر کی پاکستانی سفارتی وفد سے ملاقات ہوئی جس میں جنگ بندی کی حمایت کااعادہ کیاگیا۔

ٹیمی بروس نے کہا کہ شکر ہےبھارت اورپاکستان کےدرمیان جنگ بندی ہوچکی ہے، اور پاکستانی وفدسےدہشت گردی کےخلاف تعاون، دوطرفہ تعلقات پر گفتگو بھی ہوئی ہے۔

یہ بھی پڑھیں: ٹرمپ انتظامیہ اور ہارورڈ یونیورسٹی میں تنازع شدت اخیتار کر گیا، غیر ملکی طلبا پر پھر پابندی عائد

ترجمان کا کہنا تھا کہ کچھ عرصے سے امریکہ میں  غیرقانونی تارکین وطن کےپرتشدد مظاہرے دیکھے گئے ہیں، امریکی سڑکوں کوجرائم پیشہ افراد، غیرقانونی تارکین وطن سےصاف کرناہے، جبکہ صدرٹرمپ کے دور میں سرحدوں کومضبوط بنایاجائےگا۔

ٹیمی بروس نے کہا کہ فلسطین میں5  امدادی اداروں پرحماس کی حمایت پرپابندیاں لگارہےہیں، صدر ٹرمپ نےغزہ کی صورتحال پرتجاویزمانگی ہیں، حماس نہ تومغویوں کو رہا کررہا ہےاور نہ ہی ہتھیارڈال رہاہے۔

ترجمان کا یہ بھی کہنا تھا کہ ایران کےساتھ مذاکرات میں پیشرفت ہورہی ہے، جبکہ امریکہ یوکرین روس جنگ کاخاتمہ چاہتاہے۔

ٹیمی بروس نے کہا کہ صدرٹرمپ واحد شخص ہیں جولوگوں کومذاکرات کی میز پر لائے ہیں، دنیاصدرٹرمپ کوجانتی ہےمیں ان کےمنصوبوں پرزیادہ بات نہیں کرسکتی۔

ترجمان نے مزید کہا کہ ایک دلچسپ وقت ہے کہ اگرہم مخصوص تنازع میں کسی نقطہ پرپہنچ جائیں، مجھےامیدہے کہ صدرٹرمپ پاکستان بھارت کامسئلہ بھی حل کرلیں گے، معاملےپرنائب صدروینس اوروزیرخارجہ روبیوکےبھی شکرگزارہیں۔