ایران اسرائیل کشیدگی کے بعد  امریکہ نے ایران کو متنبہ کرتے ہوئے کہا ہے کہ اگر ایران نے امریکی شہریوں، اڈوں یا دیگر بنیادی ڈھانچے کو نشانہ بنایا تو اس کے سنگین نتائج برآمد ہوں گے۔

امریکہ نے اقوام متحدہ سلامتی کونسل میں اپنے بیان میں کہا ہے کہ اسرائیل کا ایران پر حملہ اپنے دفاع کے لیے ضروری ہے۔

یہ بھی پڑھیں: اگر ایٹمی معاہدہ نہ کیا تو مزید تباہ کن حملے ہوں گے، ٹرمپ کی ایران کو دھمکی

امریکہ کہنا تھا کہ ایران کبھی بھی جوہری ہتھیار حاصل نہ کرسکے اس کے لیے کوششیں جاری رکھیں گے۔

امریکہ کا یہ بھی کہنا تھا کہ ایرانی قیادت کا اس وقت مذاکرات کرنا دانشمندانہ ہوگا۔امریکہ کو اسرائیلی حملوں کی اطلاع پہلے دے دی گئی تھی، لیکن امریکا حملوں میں ملوث نہیں۔