شہر قائد میں آج بھی موسم شدید گرم اور مرطوب رہے گا، تاہم کل سے کراچی کے مضافات میں گرج چمک کے ساتھ تیز بارش کا امکان ہے۔

 محکمہ موسمیات کے مطابق کراچی کا موجودہ درجہ حرارت 35 ڈگری سینٹی گریڈ ریکارڈ کیا گیا، جبکہ ہوا میں نمی کا تناسب 59 فیصد ہے، تاہم گرمی کی شدت اس وقت 41 ڈگری سینٹی گریڈ تک محسوس کی جارہی ہے۔

شہر قائد میں آج زیادہ سے زیادہ درجہ حرارت 38 تا 39 ڈگری سینٹی گریڈ ریکارڈ تک رہنے کا امکان ہے۔

یہ بھی پڑھیں: فضا میں موجودخوردبینی مخلوق موسم اورصحت پرکیا اثرات مرتب کرتی ہیں؟

محکمہ موسمیات نے بتایا کہ کراچی میں اس وقت جنوب مغربی سمت سے 15کلو میٹر فی گھنٹہ کی رفتار سے ہوا چل رہی ہے، جبکہ شہرقائد میں کل سے پری مون سون بارش کا امکان ہے، بارش کا سلسلہ آئندہ دو روز تک جاری رہ سکتا ہے۔