تہران: ایرانی سپریم لیڈر آیت اللہ علی خامنہ ای نے اسرائیلی جارحیت کے خلاف سخت ردعمل دینے کے عزم کا اظہار کرتے ہوئے کہا ہے کہ ایران صیہونی حکومت کو طاقتور جواب دے گا، اس پر کوئی رحم نہیں کیا جائے گا اور نہ ہی کوئی سجھوتہ کریں گے۔

سماجی رابطے کی ویب سائٹ “ایکس” (سابقہ ٹوئٹر) پر جاری اپنے بیان میں آیت اللہ خامنہ ای نے کہا کہ ہمیں دہشت گرد صیہونی حکومت کو ایک طاقتور جواب دینا ہوگا، ہم صیہونیوں پر کوئی رحم نہیں کریں گے۔

یہ بیان ایسے وقت سامنے آیا ہے جب سابق امریکی صدر ڈونلڈ ٹرمپ کی جانب سے ایران کو ممکنہ دھمکیوں کا سلسلہ جاری ہے، تاہم ایرانی قیادت کے مؤقف سے واضح ہوتا ہے کہ تہران اسرائیلی حملوں کا منہ توڑ جواب دینے کے لیے پرعزم ہے۔

ایران اور اسرائیل کے درمیان بڑھتی ہوئی کشیدگی کے تناظر میں سپریم لیڈر کا یہ واضح پیغام اس بات کا اشارہ ہے کہ ایران مستقبل میں کسی بھی ممکنہ جارحیت کا سخت جواب دینے کے لیے تیار ہے۔