برج خلیفہ کا انوکھا ریستوران جہاں اے آئی شیف’’ایمن‘‘خدمات انجام دے گا۔ کیسا محسوس ہو جب آپ ایسے رستوران میں ہوں جہاں انسانی ہاتھوں کے بجائے مصنوعی ذہانت کی مدد سے کھاناتیارکیاجائے؟۔

جی ہاں ! دیگر شعبہ جات کی طرح  لزیز کھانوں کی تیاری میں شیف کی جگہ اے آئی شیف کی خدمات لی جائیں گی۔

ایسا ہی منصوبہ دبئی میں دنیا کی بلند ترین عمارت کے رستوران کےلئے تیارکیاجارہاہے۔’’ووہو‘‘نامی یہ ریستوران رواں برس ستمبر میں برج خلیفہ میں کھولا جائے گا۔

ابتدائی مرحلے میں کھانے انسان ہی تیار کریں گے،مگر اس سسٹم کی نگرانی ایک اے آئی شیف’’ایمن‘‘کے سپرد ہوگی۔
مزید پڑھیں : کیا مصنوعی ذہانت 2029 تک انسانوں سے مکمل کنٹرول چھین لے گی

’’ایمن‘‘ایک جدید اے آئی ماڈل ہے جسے فوڈ سائنس میں کئی دہائیوں کی تحقیق کے بعد تیار کیاگیاہے۔

اسے مالیکیولرکمپوزیشن ڈیٹا اور دنیا بھر کی ہزاروں ترکیبوں پر تربیت دی گئی ہے۔

اے  آئی شیف کےلئے  مشکل ترین مرحلہ کھانوں کو چکھنااورسونگنھنا ہوگا۔  تاہم اس کا بھی حل تلاش کیاگیاہے۔

اے آئی شیف کھانے کے اجزا،ساخت اور تیزابیت کا تجزیہ کر کے منفرد ذائقے اور امتزاج تخلیق کرسکے گا۔

شیف’’ایمن‘‘ کو خاص طور پرکچن کی منفرد ترکیبیں بنانے کے لیے ڈیزائن کیا گیاہے۔