سندھ طاس معاہدے یکطرفہ معطلی کے بعد  عالمی نگاہیں برصغیر پر مرکوز ہوگئیں ہیں، اور سندھ طاس معاہدہ تنازعہ نے عالمی آبی معاہدوں پر سوال اٹھا دیے۔ سندھ طاس معاہدہ تنازعہ بالائی ممالک کے لیے انتباہ بن گیا۔ چین کی بھی اس معاہدے پر گہری نظر ہے۔

برطانوی لارڈز کا انتباہ جاری کرتے ہوئے کہا کہ سندھ طاس معاہدے کی معطلی کروڑوں کی زندگی کو خطرے میں ڈال رہی ہے۔ برطانوی لارڈز نے سندھ طاس معاہدے کی فوری بحالی پر زور دیا ہے۔

بھارت نے سندھ طاس معاہدہ معطل کر کے بین الاقوامی قانون کی سنگین خلاف ورزی کی ہے۔ بھارت کی غیرقانونی حرکت جنوبی ایشیا کے استحکام کے لیے خطرہ بن چکی ہے۔

دیگر ممالک نے بھارت کو تنقید کا نشانہ بناتے ہوئے کہا کہ بھارت نے سندھ طاس معاہدہ یرغمال بنا لیا ہے معاہدہ شکن ملک کے خلاف سخت اقدامات ہونے چاہئیں۔

بین الاقوامی وعدوں کی بھارت کو کوئی پرواہ نہیں، سوال اٹھائے جا رہے ہیں کہ کیا دنیا بھارت پر اعتماد کر سکتی ہے؟

یہ بھی پڑھیں: ثالثی عدالت نے بھارت کے سندھ طاس معاہدے کی معطلی کو غیر قانونی قرار دے دیا

سندھ طاس معاہدے کو نقصان پہنچانے والے بھارت کی حرکت سے علاقائی امن خطرے میں پڑ گیا ہے، بھارت کی معاہدہ شکنی کی وجہ سے جنوبی ایشیا میں آبی جنگ کے بادل منڈلا رہے ہیں۔

بھارت کی لاپروائی اقوامِ متحدہ کے حمایت یافتہ معاہدے کی بے توقیری ہے۔ بھارت کی مسلسل خلاف ورزیاں عالمی اصولوں سے کھلا انحراف ہے۔

پاکستان نے سندھ طاس معاہدہ معطلی کا معاملہ او آئی سی میں اٹھا دیا،عالمی برادری نے بھارت کے سندھ طاس معاہدہ معطلی پر احتساب کا مطالبہ کر دیا ہے۔

عالمی برادری نے بھارت کا اقدام ”غیرقانونی، غیر اخلاقی، اور خطرناک نظیر“ قرار دے دیا۔