امریکی کمپنیاں بھارتیوں کوملازمتیں دینابندکریں،ٹرمپ کی نئی ہدایت پرانڈیا میں کہرام برپا ہوگیا۔ بھارتی حلقے اور گودی میڈیا ٹرمپ پربرس پڑا۔

 امریکی صدرپہلے ہی بھارتیوں کے عتاب کا شکار ہیں۔ وہ متواتراپنی میڈیا بریفنگز میں پاک بھارت سیزفائر کاسہرا سمیٹ رہے ہیں ۔

ترمپ نے گزشتہ دنوں بھارتی طیاروں سے متعلق بیان دے کر بھارتیوں کے زخموں پر خوب نمک چھڑکا تھا۔ اب ان کا ایک بیان سامنے آیا ہے۔

جو انہوں نے واشنگٹن میں منعقدہ ایک اے آئی (مصنوعی ذہانت) سمٹ سے خطاب کرتے ہوئے دیا۔

انہوں نے گوگل اورمائیکروسافٹ کو خبردار کیاہے کہ وہ بھارت جیسے ممالک میں ملازمین رکھنا بند کریں۔ انہوں نے کہاکہ  یہ کمپنیاں صرف امریکی عوام کو نوکریاں فراہم کریں۔

ٹرمپ نے امریکی کمپنیاں پربھی زوردیاکہ وہ اب چین میں فیکٹریاں بنانے یا بھارتی آئی ٹی ورکرزکونوکریاں دینابندکردیں۔

انہوں نے کہاکہ ہماری بڑی ٹیکنالوجی کمپنیزنے امریکی آزادی کے سائے میں خوب منافع کمایا،اب وہ دن گئے۔

ٹرمپ نے اس موقع پر مصنوعی ذہانت کے حوالے سے تین نئے صدارتی احکامات پر بھی دستخط کیے۔

واضح رہے کہ ان احکام کا مقصد امریکا کو اے آئی میں عالمی لیڈر بنانا ہے۔