امریکی صدر ڈونلڈ ٹرمپ نے یکم اگست سے بھارت سے درآمد کی جانے والی اشیاء پر 25 فیصد ٹیرف عائد کرنے کا اعلان کردیا ہے۔

اپنی سوشل میڈیا پلیٹ فارم ‘ٹروتھ سوشل’ پر جاری بیان میں ڈونلڈ ٹرمپ نے کہا کہ بھارت کو اسی تاریخ سے ایک اور غیر متعین ’’سزا‘‘کا بھی سامنا کرنا پڑے گا۔
تاہم انہوں نے اس سزا کی نوعیت یا مقدار کے بارے میں تفصیلات فراہم نہیں کیں۔

امریکی صدر نے کہا ہے کہ بھارت ہمارا دوست ہے لیکن ہم نے برسوں میں ان سے بہت کم تجارت کی ہے۔
ان کاکہناتھاکہ  کیونکہ اُن کے ٹیرف دنیا میں سب سے زیادہ ہیں اور اُن کی غیر مالیاتی تجارتی رکاوٹیں بھی انتہائی سخت اور ناقابل قبول ہیں۔

ٹرمپ نے مزید کہا کہ بھارت نے ہمیشہ روس سے بڑی مقدار میں فوجی ساز و سامان خریدا ہے۔
ان کاکہناتھاکہ  چین کے ساتھ مل کر وہ روس سے توانائی کا سب سے بڑا خریدار بھی ہے۔
ٹرمپ نے کہاکہ ایسے وقت میں جب دنیا چاہتی ہے کہ روس یوکرین میں قتل و غارت بند کرے، یہ تمام چیزیں اچھی نہیں ہیں۔