ٹرمپ نے  عزی جنگ بندی کےلئے 21 نکاتی امن منصوبہ پیش کردیا ۔ یہ منصوبہ امریکا کے خصوصی ایلچی کی جانب سے عرب رہنمائوں کے سامنے پیش کیا گیا۔

خصوصی امریکی ایلچی برائے امن مشنز اسٹیو وٹکوف نے بتایا کہ عرب ممالک کے سربراہان کے ساتھ غزہ امن اجلاس کامیاب رہا ۔

اجلاس میں امریکی نمائندوں نے عرب رہنماؤں کو صدر ٹرمپ کا خصوصی پیغام بھی پہنچایا۔

امریکی خصوصی ایلچی کے مطابق یہ امن منصوبہ اسرائیل اور خطے کے دیگر ممالک کے خدشات کو بھی مدنظر رکھتا ہے۔

ان کاکہناتھاکہ ہمیں امید ہے کہ آئندہ دنوں میں کوئی پیش رفت سامنے آئے گی۔

منصوبے میں حماس کے قبضے کے بغیر غزہ میں حکمرانی کا فریم ورک،تمام یرغمالیوں کی رہائی، مستقل جنگ بندی اور اسرائیل کی بتدریج غزہ سے واپسی شامل ہے۔

عرب رہنماؤں نے بڑی حد تک منصوبے کی حمایت کی، تاہم اپنی تجاویز بھی پیش کیں جن میں شامل ہیں؛

مغربی کنارے کو اسرائیل میں ضم نہ کرنے کی یقین دہانی

یروشلم میں موجودہ اسٹیٹس کو قائم رکھنا

غزہ جنگ کا خاتمہ اور یرغمالیوں کی رہائی

غزہ کے لیے انسانی امداد میں اضافہ

اسرائیلی غیر قانونی بستیوں کے مسئلے کا حل

علاقائی رہنماؤں نے اس ملاقات کو “انتہائی مفید” قرار دیا جب کہ ٹرمپ انتظامیہ اور عرب رہنماؤں نے ایسی مزید ملاقاتوں پر بھی اتفاق کیا ہے۔