فلسطینی مزاحمتی تنظیم حماس  نے عالمی برادری سے اسرائیل پر جنگ بندی معاہدے کی پاسداری کےلیے دباؤ ڈالنے کا مطالبہ کردیا۔

حماس ترجمان حازم قاسم نے کہا کہ اسرائیل کی جانب سے جنگ بندی معاہدے کی خلاف ورزیاں جاری ہیں۔ انہوں نے کہاکہ جنگ بندی کے بعد سے اب تک 90 فلسطینیوں کو شہید کیا جاچکا ہے۔

ان کا کہناتھاکہ اسرائیل کی جانب سے کی جانے والی خلاف ورزیوں میں رفح بارڈر کی بندش اور امداد کی فراہمی روکنے کی کوششیں شامل ہیں۔

حماس نے مقبوضہ مغربی کنارے کو  اسرائیل میں ضم نہ کرنے کے امریکی مؤقف کو  سراہا ہے۔

عرب میڈیا کے مطابق حماس کے ترجمان حازم قاسم نے کہاکہ غزہ امن معاہدے کی کامیابی اور  اسکے نفاذ کو یقینی بنانے کےلیے حماس پُرعزم ہے۔

حماس کو  غزہ امن معاہدے کےلیے  مصر، قطر اورترکیے سے واضح ضمانتیں موصول ہوئی ہیں۔ امریکا کی جانب سے بھی اسکی براہِ راست تصدیق کی گئی۔

حماس ترجمان نے مزید کہاکہ  امریکا کا مقبوضہ مغربی کنارے کو اسرائیل میں ضم نہ کرنے کا موقف ایک مثبت قدم ہے۔

حازم قاسم کے مطابق انہوں نے زندہ یرغمالیوں اورمتعدد لاشیں اسرائیل کے حوالے کرکے پہلے مرحلے پرعمل درآمد کیا۔