ترک صدر طیب اردوان کا غزہ جنگ بندی معاہدے پر بڑا بیان سامنے آ گیا ۔ انہوں نے معاہدے کی نگرانی میں فعال کردار ادا کرنے کا اعلان کیاہے۔

یہ اعلان انہوں نے  انقرہ میں ایک اجتماع سے خطاب کرتے ہوئے کیا ۔ طیب اردوان نے کہا کہ ان شاء اللہ، ترکیہ معاہدے کے نفاذ کی نگرانی کرنے والی فورس کا حصہ ہوگا۔

انہوں نے کہاکہ ترکیہ ایک مبصر مشن کا حصہ بنے گا جو جنگ بندی اور شرائط کی عملداری کو یقینی بنائے گا۔

صدر طیب اردوان نے کہا کہ ترکیہ غزہ کی تعمیرِ نو بالخصوص تباہ شدہ انفرا اسٹریکچر اور انسانی امداد کے حوالے سے بھی بھرپور تعاون کرے گا۔

یاد رہے کہ اسرائیل ماضی میں ترکیہ کے حماس کے ساتھ تعلقات اور حمایت پر کئی بار اپنے تحفظات ظاہر کر چکا ہے۔