دنیا سے ناپید ہونے والے پرندے کے نایاب ’’ پر‘‘ کی حیران کن قیمت، نیلام کر دیا گیا۔ ہوئیا (Huia) ایک نایاب پرندہ ہے جو دنیا میں نایاب ہوچکاہے۔

اس نایاب  پرندے کا ’’پر‘‘ انتہائی اچھی طرح سے محفوظ کیا گیاتھا۔ جو 46 ہزار نیوزی لینڈ ڈالرز یعنی 28 ہزار 365 امریکی ڈالرز میں نیلام ہوا۔

پرندہ ہوئیا دنیا سے ناپید ہونے کی بڑی وجہ؟

اس طرح یہ دنیا کا سب سے مہنگا ترین ’پر‘ بن چکاہے۔ہوئیا پرندہ 20ویں صدی کے اوائل سے ناپید ہو چکا ہے۔

جب یورپی لوگ جزیرے پر پہنچے تو یہ پرندہ پہلے ہی نایاب تھا۔

لیکن اس کے پر کلکٹرز اور فیشن کے تاجروں کا نشانہ بن گئے، جس کی وجہ سے بالآخر یہ پرندہ مکمل طور پر ناپید ہو گیا۔

کلکٹرز کے درمیان اس پرندے کے پر اب بھی بہت قیمتی سمجھے جاتے ہیں۔

اس لیے یہ حیرت کی بات نہیں کہ دنیا کا سب سے مہنگا پر ایک ہوئیا پرندے کا ہے۔

نایاب ’’پر‘‘ حیران کن طور پر اتنی بڑی قیمت میں کیوں نیلام ہوا؟

توقع کی جارہی تھی کہ  ہوئیا پرندے کے ’’پر‘‘کی نیلامی میں 3 ہزار امریکی ڈالرز تک جائے ۔  لیکن یہ 28 ہزار 365 امریکی ڈالرز کی حیران کن قیمت پر فروخت ہوا

نیوزی لینڈ کے ماؤری قبیلے کے لوگوں کے لیے یہ ’’پر‘‘ یا پرندہ ان کی ثقافتی اور روحانی اہمیت کا حامل ہے۔ ان کے پروں کو اکثر سرداروں کی طرف سے سر پر بطور زیور پہنا جاتا تھا۔

واضح رہے کہ  سب سے مہنگے پر کا وزن صرف 9 گرام ہے۔