امریکی صدرڈونلڈ ٹرمپ نے کہا کہ محصولات اور 2024 کے انتخابات کےنتائج سےامریکہ کی معیشت مضبوط ہوئی ہے۔

امریکی صدرڈونلڈ ٹرمپ نے آسیا کے دورے کے بعد سوشل میڈیا پر جاری بیان میں کہا کہ چین، جاپان، ملائیشیا، آسٹریلیا سمیت متعدد ملکوں کے رہنماؤں سے ملاقات ہوئی، دنیا بھر میں امریکہ کو پھر سےعزت مل رہی ہے،تجارت میں تاریخی کامیابیاں ملیں ہیں۔

یہ بھی پڑھیں: غزہ امن معاہدے پر وزیراعظم شہباز شریف اور ’اپنے پسندیدہ‘ فیلڈ مارشل عاصم منیر کا شکریہ ادا کرتا ہوں، ڈونلڈ ٹرمپ

انہوں نے کہا کہ ڈیموکریٹس پاگل پن کاشکارہیں، دانائی اور حقیقت کھوبیٹھےہیں، وہ غیرقانونی تارکین کوفائدہ دےکر شہریوں کونقصان پہنچا رہے ہیں۔

ڈونلڈ ٹرمپ نے مزید کہا کہ کا ری پبلکنز کو چاہیے کہ ’’ٹرمپ کارڈ‘‘ کھیلیں اور فلبسٹر کا خاتمہ کریں، فلبسٹر ختم کرنے سےملک دشمن پالیسیوں کافوری خاتمہ ممکن ہے، اگرڈیموکریٹس دوبارہ اقتدارمیں آئےتوفلبسٹرپہلےدن ہی ختم کردیں گے۔