دواجی کون ؟ ممدانی  سے پہلی ملاقات، محبت ، شادی کب کیسے اور کہاں  ہوئی ؟ تفصیلات سامنے آ گئیں ۔  جوڑے کو نیویارک میں کئی مواقعوں پر ساتھ گھومنے پھرنے پر شدید تنقید کا سامنا بھی کرنا پڑا ۔

جب زہران ممدانی میئر نیویارک سٹی منتخب ہوئے تو انہوں نے وکٹری اسپیچ میں اپنی اہلیہ راما دواجی کا خصوصی ذکرکیا۔

انہوں نے اپنی اہلیہ کےلئے عربی میں  “میری زندگی” کے الفاظ استعمال کیے۔

28 سالہ دواجی صرف ان کی بیوی ہی نہیں،  وہ ایک ناقابل یقین فنکاربھی ہیں ۔ 1997  میں ہیوسٹن، ٹیکساس میں پیدا ہوئیں۔ خلیج فارس میں پلی بڑھیں۔ جب وہ 9 سال کی تھیں تو ان کا خاندان دبئی منتقل ہو گیا۔

 بعد میں انہوں نے 2019 میں ورجینیا کامن ویلتھ یونیورسٹی سے بیچلر آف آرٹس ان کمیونیکیشنز کی ڈگری حاصل کی۔ پھر فنون لطیفہ میں کیریئر بنانے کے لیے 2021 میں نیویارک چلی گئی۔

پچھلے سال دواجی نے نیویارک کے اسکول آف ویژول آرٹس سے فنون لطیفہ کے ماسٹر کے ساتھ بطور بصری مضمون گریجویشن کیا۔

ان کی زہران ممدانی سے بھی ملاقات ایک ڈیٹنگ ایپ  Hinge  کے ذریعے 2021 میں  ہوئی ۔

دواجی اور زہران ممدانی نے اکتوبر 2023 میں منگنی کی تھی جس کا اعلان نومنتخب میئر نیویارک نے ایک انسٹاگرام پوسٹ میں کیاتھا۔

اس پوسٹ میں زہران ممدانی نے لکھا ، “میری زندگی کی روشنی۔”

دونوں کی ’’ لو کیمسٹری‘‘ انتہائی منفرد اور دلچسپ

جوڑے نے اسی سال فروری میں مین ہٹن میرج بیورو میں یوگنڈا جانے سے پہلے شادی کی۔ راما دواجی  فنون لطیفہ کے شعبے سے وابستہ ہیں اور زہران ممدانی معروف سیاستدان ہیں ۔ دونوں کی ’’ لو کیمسٹری‘‘ انتہائی منفرد اور دلچسپ ہے ۔

زہران ممدانی کئی  اہم مواقعوں پر اپنی شرکت حیات کے ساتھ ساتھ دکھائی دیتے ہیں ۔ وہ  کھلم کھلا اپنی اہلیہ کی خوبصورتی اور کردار کی تعریف کرتے نہیں کترائے۔

ان کی اہلیہ الیکشن کمپین میں بھی ان کے ساتھ ساتھ دکھائی دیں۔ جس کی وجہ سے جوڑے کو شدید تنقید کا سامنا بھی کرنا پڑا۔

راما دواجی فلسطینیوں کی حالت زار پر بھی زہران ممدانی کے موقف کی مکمل حامی رہیں۔