پنجاب حکومت نےلاک ڈاؤن کےدوران  طلباکی سہولت کےلیے’تعلیم گھر‘نامی ایپ متعارف کرادی۔

تفصیلات کےمطابق پنجاب انفارمیشن ٹیکنالوجی بورڈکےچیئرمین اظفرمنظورنےبتایاکہ اس ایپ کی مدد سےطلبا گھربیٹھےجدید تعلیم حاصل کرسکتےہیں۔

چئیرمین اظفرکامزیدکہنا تھاکہ “تعلیم گھر”ایپ کے ساتھ کیبل، ٹی وی چینلز، ویب سائٹ بھی لانچ کی جاچکی ہے،ابتدامیں اول تا آٹھویں جماعت کےطالب علموں کوریاضی اورسائنس کےلیکچرزدیئےجائیں گے۔

چیئرمین پنجاب بورڈبرائےانفارمیشن ٹیکنالوجی نےبتایا کہ ایپ میں آٹھ اینی میٹڈ ٹیچرز ہیں جوپیرسےجمعرات تک طالب علموں کو ویڈیو کےذریعے لیکچردےرہےہیں۔

اظفرمنظورکےمطابق ایپ کو آزمائش کے بعد ہی متعارف کرایا گیاہےاس کا تجربہ بہت ہی اچھارہا اورحوصلہ افزا نتائج سامنے آئے، سیکڑوں طالب علم ایپ کی مدد سے گھر بیٹھے جدید تعلیم حاصل کررہے ہیں۔

واضح رہےکہ اس سےقبل پنجاب حکومت 23مارچ کوصوبےبھرکےیونیورسٹی طالب علموں کےلیےآن لائن سسٹم متعارف کر اچکی ہےجس کےتحت طالب علموں کوآن لائن کلاسز دی جارہی ہیں اوروہ گھربیٹھےہی اپنا نصاب پڑھ رہےہیں۔