حج کا سیزن آتے ہی سعودی عرب میں اللہ کے مہمانوں کو سہولتوں سے آراستہ کرنے کیلئے حکومت نے دوڑ دھوپ تیز کردی ہے۔

حجاج کرام کو مزید آسانیاں فراہم کرنے کیلئے حکومت کی جانب سے اس بار کثیرمنزلہ خیمہ بستی بسانے کی تیاری کر لی گئی ہے۔

حج کے موسم میں یہ اپنی نوعیت کا پہلا پروگرام ہے۔ خیموں کی تنصیب کا مقصد منیٰ میں حجاج کرام کے قیام کی زیادہ سے زیادہ گنجائش پیدا کرنا ہے۔

جدید خصوصیات کے حامل ان خمیوں کو نہ صرف  ایک سے دوسرے مقام پر منتقل کیا جا سکتا  ہے بلکہ حسب ضرورت کھولا اور جوڑاجا سکتا ہے۔

 اس کےساتھ ساتھ یہ خیمے فائر پروف ہیں۔

خیموں میں خوراک کی فراہمی میں تاخیر سے نمٹنے کے انتظامات کیےگئے ہیں۔ خیموں میں خوراک کا سامان فراہم کرنے کے ساتھ ریفریجیریٹر اور خوراک کو ٹھنڈہ رکھنے کا خاطر خواہ انتظام  بھی کیا گیا ہے۔

خیموں میں شمسی توانائی کے ذریعے روشنی فراہم کی جائے گی۔ ان میں 21 ٹوائلٹ، 14 باورچی خانے اور دیگر سہولیات فراہم کی جائیں گی۔ آنے والے برسوں میں اس منصوبے کو مزید بہتر بنانے کے لیے اقدامات کیے جائیں گے۔