جرمنی میں سرکس سے فرارہونےو الے زیبراکو  گولی مارکرہلاک کردیا  گیا  ۔

غیر ملکی خبررساں ادارے کے مطابق شمالی ریاست میکلین برگ  کے مغربی علاقے پومرانیا میں سرکس سے فرار ہونے والے زیبرا کوپولیس نے گولی مارکرہلاک کردیا  ہے۔

منگل کی رات شمالی ریاست میکلین برگ  کے مغربی علاقے  پومرانیا میں سرکس سے فرار ہو کر سڑک پرآگیا تھا جس سے ٹریفک حادثات پیش آئے جبکہ سڑک پر موجود کاروں کو نقصان بھی پہنچا  تھا۔

پولیس کا کہنا ہے کہ زیبرا کے سڑک پر دوڑنے کی وجہ سے ٹریفک حادثات  پیش آئے ہیں اور کاروں کو نقصان بھی پہنچا ہے۔

پولیس  کے مطابق کئی  گھنٹوں کی متعدد ناکام کوششوں کے بعد بدھ کی صبح تھیلکو گاؤں میں اسے گولی مار کرہلاک کیا گیا ہے ۔

پولیس کے مطابق ہلاک ہونے والا زیبرا شاہراہ پر دوڑ رہا تھاجس سے دو گاڑیوں کو حادثہ بھی  پیش آیاہے۔

تاہم  حادثے میں کوئی جانی نقصان نہیں ہوا ہے لیکن حادثے کے بعد سڑک عارضی طور پربند کردی گئی تھی۔

پولیس حکام  کا کہنا ہے کہ سرکس ٹیم نے بھی زیبرا کو قابو کرنے کے لئے متعدد کوششیں کیں تاہم وہ بھی اس میں ناکام رہا ۔

جبکہ مقامی فائر بریگیڈ کے ہنگامی امدادی کارکنوں نے  بھی زیبرا کو گولی لگنے سے پہلے قابو کرنے کی کوششوں میں پولیس کی مدد کی تاہم وہ بھی ناکام رہے ۔

پولیس ترجمان کا کہنا ہے کہ واقعے کے اصل  وجوہات اب  تک واضح  نہیں ہوسکی ہیں  ۔

تاہم دوسرا زیبرا جوسرکس سے فرار ہوا تھا وہ پکڑا گیا ہے ۔