بھارت میں ہندو مذہب کے ماننے والوں نے شیوم کمار کو بھگوان کا درجہ دے کر اس کی پوجا شروع کردی۔

بھارتی میڈیا رپورٹ کے مطابق نئی دہلی کے ایک گاؤں کے رہائشی 6 سالہ بچے شیوم کمار کے پیدائش کے وقت بال کمر پر غیر معمولی بال چوٹی کی طرح تھے، بچے کو جب گھر لایا گیا تو پڑوسی نے اسے دیکھ کر اسے ہنومان بھگوان قرار دیا۔

شیوم کمار کے والدین کا کہنا ہے کہ ان کے بیٹے کی کمر پر دُم نما بال اُگے ہوئے ہیں اور گاؤں کے لوگ اور پڑوسی اسے خدا کی طرف سے رحمت سمجھتے ہیں اور وہ روز اس کے لیے چاکلیٹ اور دیگر کھانے پینے کی چیزیں لاتے ہیں۔

تیس سالہ رینا کا کہنا تھا کہ لوگوں کا عقیدت کے ساتھ آنا مجھے اور اہل خانہ کو بالکل پسند نہیں، اس لیے اب ہم شیووم کو چھپا کر رکھتے ہیں تاکہ کوئی تنگ نہ کرے۔

شیوم کی کمر پر بال دیکھ کے ان کے والدین اور ڈاکٹر حیران ہوگئے تھے جس کے بعد شیوم کی والدہ نے ان بالوں کو صاف کرنے سے انکار کر دیا کیونکہ وہ یہ سمجھتی ہیں کہ ایسا کرنے ان کے خاندان کے لیے بد شگونی ہو گی۔

شیوم کی دادی کا کہنا ہے کہ اب شیوم بالکل بندروں کی طرح حرکتیں کرتا ہے، وہ بندروں کی ہی طرح کھاتا پیتا اور اچھلتا کودتا ہے۔

ڈاکٹرز کا ماننا ہے کہ وقت کے ساتھ ساتھ بچے کی کمر پر نکلے ہوئے بال ختم ہوجائیں گے البتہ اگر ابھی انہیں کاٹا گیا تو صحت کے حوالے سے کسی پریشانی کا سامنا کرنا پڑ سکتا ہے۔