بھارت میں محبت میں ناکامی اورنہ ملنے کےڈرسے پریمی جوڑےنےخودکشی  کرکےزندگی کاخاتمہ کرلیا  ۔

بھارتی میڈیا کے مطابق  بھارتی ریاست اترپردیش کے ضلع اوریا میں ایک محبت میں مبتلا پریمی جوڑے نے راجدھانی ایکسپریس کے آگے کود کر خود کشی کرلی ہے ۔

  میڈیا کے مطابق پاتاریلوے ٹریک پرعلی الصبح ایک جوڑےنےدلی جانے والی راجدھانی ایکسپریس کےسامنےچھلانگ لگا کرخود کشی کرلی۔

خود کشی کرنے والے افراد کی شناخت 35 سالہ دیپا اور 21 سالہ ونے کے نام سے ہوئی ہے۔

 پولیس کاکہناہےکہ ابتدائی تحقیقات کےدوران پتاچلاہےکہ دونوں ایک ہی گاؤں رہنے والے ہیں، دیپا شادی شدہ ہے اوراس کاشوہر دلی میں پرائیویٹ نوکری کرتا ہے جبکہ ونےغیر شادی شدہ اورگاؤں میں ہی رہتاہے۔

پولیس نے خدشہ ظاہرکیاہےکہ دونوں ایک دوسرے کے پیار میں مبتلا تھے اورانہوں نے مبینہ طورپرشادی نہ ہوسکنےکےخوف سے خود کشی کی ہے ، پولیس نے دونوں کی لاشوں کو پوسٹ مارٹم کیلئے ہسپتال منتقل کردیا ہے۔