بارش ہوتی ہے تو موسم خوشگوار اور سب کچھ دھل کر صاف ہوجاتا ہے لیکن ایک ناقابل یقین منظر ایسا بھی ہے جس میں صرف ایک مخصوص گاڑی پر ہی بارش ہوئی۔

یہ بھی اللہ کی شان ہے، اور قدرت کے اس کرشمے کو کیمرے کی آنکھ میں قید کرکے سوشل میڈیا صارفین تک پہنچایا گیا ہے۔

مذکورہ ویڈیو میں دیکھا جاسکتا ہے کہ ایک قطار میں گاڑیاں کھڑی ہوئی ہیں لیکن بارش صرف ایک گاڑی پر ہورہی ہے جس کا رنگ کالا ہے۔

اس ویڈیو میں ارد گرد کا منظر بھی دیکھا جاسکتا ہے کہ کہیں اور برسات نہیں ہورہی ہے جبکہ بادل بھی موجود نہیں ہیں لیکن پھر بھی بارش صرف ایک گاڑی پر برس رہی ہے۔

خیال رہے کہ یہ ویڈیو انڈونیشیا کے کسی علاقے میں بنائی گئی ہے اور اس معمے پر انڈونیشیا کے محکمہ موسمیات نے بھی وضاحت پیش نہیں کی ہے۔

یہ واقعی بارش ہے یا پھر مصنوعی طریقے سے گاڑی پر پانی برسایا جارہا ہے اب تک واضح نہیں ہوسکا ہے۔