برطانیہ میں ٹوائلٹ تک رسائی محدود کرنے پر ایک اسکول بنیادی انسانی حقوق کی پامالی کے الزام کی زد میں آگیا۔

برطانیہ کی ایک کاؤنٹی کینٹ میں قائم ہنڈریڈ آف ہُو اکیڈمی نے کلاسز کے دوران طلبا کو ٹوائلٹ جانے سے روکنے کے لیے لاک ہوجانے والے دروازے نصب کردیے۔

کچھ والدین کا کہنا ہے کہ اکیڈمی کی جانب سے کیا جانے والا یہ عمل ان کے بچوں کو کم پانی پینے پر مجبور کر رہا ہے جس کا مطلب ہے کہ وہ مسلسل سر درد کے ساتھ واپس آتے ہیں۔

اسکول کا کہنا تھا کہ پہلے اگر طلبا کے پاس اجازت نامہ ہوتا تو ان کو ٹوائلٹ جانے کی اجازت مل جاتی۔

اسکول نے مزید کہا کہ شٹرز کا نصب کیا جانا ایک حفاظتی قدم ہے۔

ایک والدہ کا کہنا تھا کہ اگر کسی کا بیٹ خراب ہو یا اس کے ساتھ کچھ اور مسئلہ ہو تو ان کے لیے مشکل ہوگی۔ یہ ٹھیک نہیں ہے۔

ایک والدہ نے کہا کہ ٹوائلٹ جانا بنیادی انسانی حق ہے۔ کچھ طلبا دن کے وقت ٹوائلٹ نہیں جا رہے  اور وہ آدھے گھنٹے کا سفر کر کے گھر واپس آتے ہیں تاکہ وہ ٹوائلٹ جا سکیں۔

انہوں نے مزید کہا کہ بچے لنچ پر نہیں جا سکتے کیوں کہ لنچ کے وقت ٹوائلٹ میں قطاریں لگی ہوتی ہیں، اس لیے ان کو اپنا لنچ ٹائم کھانا کھانے اور ٹوائلٹ کی قطار میں تقسیم کرنا پڑتا ہے۔