ملک بھر میں سونے کی قیمتیں  بلند ترین  سطح  پر  پہنچنے کے بعد آج صرافہ مارکیٹ میں  سونے کی قیمتوں  میں  کمی  دیکھی گئی ہے۔

 سونے کی قیمتوں  میں 250 روپے کمی کے بعد24  قیراط سونے  کی قیمت 89  ہزار100 روپے کم ہوکر 88 ہزار 850 روپےفی تولہ ہوگئی ہےجبکہ 22 قیراط سونے کی قیمت 81 ہزار روپے فی تولہ مقرر  کی گئی ہے  ۔

جبکہ چاندی کی قیمتوں میں کوئی ردوبدل دیکھنے میں نہیں آیا، چاندی کی فی تولہ قیمت 11سو 35 روپے پر برقرار ہے۔

ملکی صرافہ مارکیٹ میں سونے کی قیمتوں میں کمی کا رجحان عالمی منڈی میں نرخوں میں کمی کے باعث ہوا ہے۔

واضح رہے کہ گزشتہ ہفتے ڈالر کی قیمت میں اضافے کی وجہ سے صرافہ مارکیٹ میں سونے کی قیمت  میں بھی اضافہ ہو گیا تھا۔