اوگرا کی جانب سے  پیڑولیم مصنوعات کی قیمتوں میں ردو بدل کی سمری وزیرات پٹرولیم کو ارسال کردی ۔

زرائع اوگرا  کے مطابق   سمری میں  پیٹرول 2.55 روپے فی لیٹر سستا کرنے سفارش  کی گئی جبکہ ڈیزل تین روپے 23 پیسے فی لیٹر سستا اور مٹی کا تیل فی لیٹر ایک روپے 19 پیسے اضافے  اور لاییٹ ڈیزل آئل کی قیمتوں  میں 2روپے 41 پیسے کمی کی  سفارش بھی کی گئی۔

یاد رہے کہ  قیمتوں میں ردوبدل یکم اکتوبر سے ہوگا، جس کی حتمی منظوری وزیراعظم  عمران خان دینگے اور  وزارت خزانہ نوٹیفیکیشن جاری کریگی۔

واضح رہے  کہ سعودی عرب میں تیل کی تنصیبات پر ہونے والے ڈرون حملوں کے باعث پاکستان میں بھی تیل کی قیمتیں بڑھنے کا خدشہ ظاہر کیا تھا  ۔

ذرائع کے مطابق  یہ ظاہر کیا گیا تھا کہ یکم اکتوبر سے پٹرولیم مصنوعات کی قیمتوں میں 5 روپے سے 8 روپے فی لیٹر اضافے کا امکان ہے جبکہ یکم نومبر سے پٹرولیم مصنوعات کی قیمتوں میں  مزید 10 روپے سے 12 روپے فی لیٹراضافےکا امکان ظاہر کیا گیا تھا۔

حکومتی ذرائع کا کہنا ہے کہ پاکستان میں تیل کی قیمتوں کے فارمولے کے مطابق خام تیل کی قیمتوں میں اضافے کا اثر عوام  پر نومبر میں پڑے گا تاہم حکومت ٹیکسوں کی شرح میں کمی کرکے تیل کی قیمتوں میں اضافے کا کم سے کم بوجھ صارفین پر ڈالے گی ۔