وزیراعظم عمران خان کی زیر صدارت معاشی ٹیم کا اجلاس آج ہوا ہے۔

ذرائع کے مطابق اجلاس میں ملکی معاشی صورتحال کا جائزہ لیا گیا جبکہ وزیراعظم کو ٹیکس نیٹ میں اضافے سے متعلق بھی بریفنگ دی گئی اور ڈالر کی قیمت، کاروبار میں آسانی سمیت دیگر معاملات پر بات چیت کی گئی ہے۔

اجلاس میں وفاقی وزیر حماد اظہر، مشیر خزانہ، مشیر تجارت، چیئرمین ایف بی آر شبر زیدی ، شوکت ترین سمیت دیگر کی بھی شریک ہوئے ہیں۔

واضح رہے کہ اس سے قبل عمران خان نے اجلاس سے خطاب میں کہا تھا کہ کاروباری برادری کو تحفظ فراہم کیے بغیر معیشت پنپ نہیں سکتی، تمام شعبوں میں سرمایہ کاری کے فروغ کے لیے اعتماد بڑھانا ہوگا۔

وزیراعظم عمران خان کا کہنا تھا کہ زیادہ پیداوار والے منصوبوں کی راہ میں رکاوٹیں دور کرکے ان پر زیادہ توجہ دی جائے اور خواتین کو بھی اقتصادی ترقی میں شراکت داری کے لیے مراعات دی جائیں۔

دریں اثنا، اجلاس کو پیداوار میں اضافہ، کاروبار میں آسانی،ملکی معیشت میں بہتری کے لیے اٹھائے اقدامات، سمال میڈیم انٹرپرائززاورتعمیراتی شعبوں میں سرمایہ کاری سے متعلق رکاوٹوں کو دور کرنے کے لیے اقدامات پر بھی بریفنگ دی گئی۔saaa