وزیر اعظم عمران خان نے کہا ہے کہ ملازمتیں پیدا کرنے سے معیشیت مضبوط ہوگی۔

وزیراعظم عمران خان کی زیر صدارت اجلاس ہوا جس میں عمران خان نے بتایا کہ موجودہ حکومت کاروبار میں آسانیاں پیدا کرنے کے لیے اقدامات کررہی ہے جبکہ اجلاس میں ملک بھر میں سپیشل اکنامک زونز بنانے کی پیش رفت کا جائزہ لیا گیا۔

اجلاس میں وزیر اعظم کو لیجسلیٹو فریم ورک، ملکی اور غیر ملکی سرمایہ کاروں کو سہولیات کی فراہمی پر بریفنگ دی گئی جبکہ سٹریٹجی پر موثر عملدرآمد کے لیے مرکز اور فیڈرٹنگ یونٹس کے درمیان رابطے پر بھی بات چیت کی گئی۔

بریفنگ میں بتای گیا کہ بن قاسم دھابیجی، رشکئی اور حطار ایس ای زی کو بجلی فراہمی کے لیے 2.8 ارب روپے فراہم کیے جائیں گے اور بتایا کہ بجلی فراہمی کے لیے پی سی ون تیار ہو چکا ہے۔

اجلاس میں وزیر منصوبہ بندی خسرو بختیار، وزیر توانائی عمر ایوب، مشیر تجارت عبدالرزاق داؤد، معاونین خصوصی فردوس عاشق اعوان، ندیم بابر اور چیئرمین سرمایہ کاری بورڈ بھی شریک ہوئے۔