عالمی بازار میں سونا 7 ڈالر کمی سے 1498 ڈالر فی اونس کا ہونے کے بعد پاکستان میں  بھی  سونے کی فی تولہ قیمتوں  میں  نمایاں کمی  ہوئی ہے۔

تفصیلات کے مطابق  ملک بھر کے صرافہ بازاروں میں سونے کی فی تولہ قیمت میں  400  روپے جبکہ دس گرام کے ریٹ 343  روپے کم ہوئے جس کے بعد کراچی، حیدرآباد، سکھر، پشاور، کوئٹہ، لاہور، اسلام آباد، راولپنڈی، فیصل آباد، ملتان کے صرافہ بازاوں میں فی تولہ اور دس گرام سونے کی خرید و فروخت بالترتیب 87 ہزار 200 اور 74  ہزار 760 روپے کے ساتھ ہوئی۔

 واضح رہے کہ  گزشتہ  ہفتے سونے کی فی تولہ قیمتوں بالتریب 1000 اور  500 تک اضافہ ہوا تھا۔