موبائل فون رجسٹریشن سسٹم کے نفاز کے بعد موبائلزکی کمرشل امپورٹ میں نمایاں اضافہ ریکارڈکیا گیا ہے۔

تفصیلات کے مطابق پاکستان ٹیلی  کمیونیکیشن اتھارٹی(پی ٹے اے) کی جانب سے موبائل فون رجسٹریشن سسٹم کے نفاز کے بعد موبائلزکی کمرشل امپورٹ میں 110 فیصد اضافہ ریکارڈ کیا گیا ہے۔

اعدادو شمار  کے مطابق  ایک سال میں موبائل فونز کی کمرشل امپورٹ 110 فیصد بڑھ گئی ہے۔ 2018 میں 95 لاکھ 64 ہزار 424 موبائل فون درآمد کئے گئے تھےجبکہ  2019 میں ایک کروڑ 98 لاکھ 34 ہزار 465 فون درآمد کئے گئے ہیں ۔

رجسٹریشن کا موثر نظام ہونے سے موبائل فون کی غیر قانونی درآمد اور سمگلنگ میں کمی ہوئی ہے۔موبائل رجسٹریشن کے آغاز سے ایک ارب 27 کروڑ روپے سے زائد کی کسٹمز ڈیوٹیز وصول کی گئیں۔ دستاویز مقامی سطح پر موبائل ڈیوائسز کی پیداوار میں 72 فیصد اضافہ ہوا ہے ۔دستاویز حکومت مقامی سطح پر موبائل فون کی مینوفیکچرنگ بڑھانے کے لیے اقدامات کر رہی ہے۔