اسٹاک مارکیٹ‌ 10 ماہ کی بلند ترین سطح‌40 ہزار پوائنٹس کی حد عبورکرگئی،انٹربینک مارکیٹ میں ڈالر کے ریٹ میں‌ 5 پیسے، اوپن مارکیٹ میں‌ 15 پیسے کمی ہو گئی.

تفصیلات کے مطابق کاروباری ہفتے کے پہلے روز یعنی پیر کے دن پاکستان اسٹاک ایکسچینج میں تیزی دیکھی جارہی ہے، دن کے آغاز پر ہی 100 انڈیکس 450 پوائنٹس اضافے کے بعد 39 ہزار 740 پوائنٹس پر پہنچ گیا۔

ایک گھنٹے بعد 100 انڈیکس میں مزید 250 یعنی کل 450 سے زائد پوائنٹس کا اضافہ ہوا جس کے بعد انڈیکس 39 ہزار 740 پوائنٹس کی سطح عبور کر گیا۔

پاکستان اسٹاک مارکیٹ میں کاروبارکےآغازمیں مثبت رجحان

دوسری جانب مارکیٹ میں کاروباری ہفتے کے پہلے روز آج امریکی کرنسی سستی ہو گئی، انٹربینک میں پاکستانی روپے کے مقابلے ڈالر کی قدرمیں 5 پیسےکمی ہوئی جبکہ اوپن مارکیٹ میں 15 پیسےکی کمی دیکھنےمیں آئی جس کےبعدڈالر 155 روپے 45 پیسے پر فروخت ہوا۔

پاکستان اسٹاک مارکیٹ میں مثبت رجحان سےکاروبار کا آغاز

واضح رہےکہ گزشتہ ہفتے100 انڈیکس میں 39 ہزار کی سطح عبورہوگئی تھی اوریہ 8 ماہ بعدہواتھا۔ گزشتہ ہفتےمیں 100 انڈیکس میں 13 سو 61 پوائنٹس کااضافہ ہواتھا۔

جبکہ گزشتہ ہفتےسرمایہ کاروں کا اعتماد بھی بحال ہوا، مارکیٹ میں 1.73 ارب شیئرز کے سودے ہوئے۔ مارکیٹ کے ہفتہ وار کاروبار کی مالیت 61 ارب روپے رہی۔