گزشتہ روزکےبرعکس پاکستان اسٹاک مارکیٹ میں کاروبارکامثبت آغازہواہے دن کے شروع میں ہی 100انڈیکس میں 850پوائنٹس کا اضافہ دیکھا گیاہے۔

 گزشتہ روزکے برعکس آج سٹاک مارکیٹ میں مثبت رجحان دیکھا جارہاہے،صبح کاروباری دن کا آغاز41,357.56سے ہوا جو بڑھتا ہوا42,207.77تک جا پہنچا جس سے بازارحصص میں 850پوائنٹس کا اضافہ ہوا دیکھا گیا۔اس وقت 100انڈیکس42,207.77پر ٹریڈ کرتا دکھائی دے رہا ہے۔

دوسری جانب امریکی اسٹاک مارکیٹس کے بعد ایشیائی اسٹاک مارکیٹس میں تیزی جاری ہے ، جاپانی اسٹاک مارکیٹ میں175پوائنٹس،ہانگ کانگ اسٹاک مارکیٹ میں42 پوائنٹس کااضافہ دیکھا گیا۔

چینی حصص بازار،امریکی اوریورپی اسٹاک مارکیٹس میں تیزی ریکارڈ کی گئی،امریکی ڈاؤجونزمیں30 پوائنٹس اورامریکی نیسڈیک میں 10پوائنٹس کااضافہ ریکارڈکیا گیا۔

جرمن ڈیکس میں37پوائنٹس ، فرانسیسی سی اےسی40میں30پوائنٹس اور برطانوی فٹسی 100 میں10پوائنٹس کااضافہ دیکھا گیا۔

سونےاور تیل کی قیمتوں پر ریکارڈ اضافہ

گزشتہ روزایران کےجوابی کاروائی کے بعد عالمی سطح  پرسونےکی قیمتوں میں  ریکارڈ اضافہ ہوا تھا  جبکہ عالمی مارکیٹوں میں  تیل کی قیمتوں میں اضافہ ہواتھا  ۔ جبکہ پاکستان سمیت  دنیا بھر کی حصص  مارکیٹوں میں  مندی  کا رحجان دیکھاگیاتھا۔

امریکی ریٹنگ ایجنسی بلومبرگ کی رپورٹ کےمطابق گزشتہ روزعالمی منڈی میں سونے کی قدر 22 ڈالرز اضافے کے بعد 1596.30 فی اونس کی بلند سطح پرپہنچ گئی تھی۔

رپورٹ کےمطابق  2013 کے بعدسےسونا اب  تک کی بلند ترین سطح پر پہنچ گیا ہے۔

عالمی منڈی میں خام تیل کی قیمت 64 سینٹ اضافے کے ساتھ 63.34 ڈالرز فی بیرل ہوگئی ہے۔

  انٹربینک میں ڈالرمیں کمی

کاروباری ہفتےکےچوتھےروزانٹربینک میں ڈالر 22 پیسےسستاہوگیاہے۔فاریکس ڈیلرز کے مطابق انٹر بینک میں ڈالر 155.07 سے کم ہوکر 154.85 روپے پرفروخت ہورہا ہے۔

ایکسچینج کمپنیزایسوسی ایشن کےمطابق اوپن مارکیٹ میں آج ڈالرکی قیمت 155.80 روپےرہی جو کہ گزشتہ روز 155.30 روپےتھی۔

اسی طرح انٹربینک میں ڈالر 155.10 میں فروخت ہوا۔

واضح رہےکہ گزشتہ روزاوپن مارکیٹ میں ڈالرکی قیمت میں 50 پیسےکاواضح اضافہ ہواتھا۔