امریکا اور یورپ میں خام تیل اور سونے کے نرخوں میں کمی ریکارڈ

امریکا میں خام تیل کے نرخوں میں کمی واقع ہوئی ہےجس کی وجہ ملکی آئل اسٹاک میں اضافہ اور ایران کے ساتھ کشیدگی میں ٹھہراؤ ہے۔

تفصیلات کے مطابق نیویارک میں برینٹ نارتھ سی کروڈ کے وقفے پر نرخ 1 سینٹ کم ہوکر 65.43 ڈالر فی بیرل رہے۔

اس کے علاوہ ویسٹ ٹیکساس انٹرمیڈیٹ کے سودے 16سینٹ کمی کے ساتھ 59.45 ڈالر فی بیرل طے پائے۔

دوسری جانب امریکا سمیت یورپ میں بھی سونے کے نرخوں میں کمی واقع ہوئی ہے جس کی وجہ تہران واشنگٹن کشیدگی میں کمی ہے۔

نیویارک میں اسپاٹ گولڈ کے وقفے کے بعد نرخ 0.2 فیصد گر کر 1552.28 ڈالر فی اونس رہے۔

امریکی سونے کے سودے 0.4 فیصد کمی کے ساتھ 1554.3 ڈالر فی اونس طے پائے۔

لندن میں اسپاٹ گولڈ کے وقفے سے قبل نرخ 0.6 فیصد گرکر 1546.33 ڈالر فی اونس رہے۔

امریکی سونے کے سودے 0.8 فیصد کمی کے ساتھ 1547.40 ڈالر فی اونس طے پائے۔