ملک میں آٹا بحران کامسئلہ شدت اختیارکرنےلگاہے،چکی اونرز ایسوسی ایشن نے لاہور میں چکیاں بند کرنےکااعلان کردیاہے۔

آٹا بحران پر چکی اونرزایسوسی ایشن کےحکام کا کہنا ہےکہ انتظامیہ کےساتھ مذاکرات ہونے کے باوجود چھاپے مارے گئے۔

حکام آٹا چکی ایسوسی ایشن کا کہنا ہے کہ ضلعی انتظامیہ کےاقدام پرغیرمعینہ مدت کے لیے چکیاں بند کر رہے ہیں۔

دوسری جانب فیصل آباد میں آٹے کی فروخت کے لیےسیلز پوائنٹس بڑھادیئےگئے ہیں۔

ڈسٹرکٹ فوڈ کنٹرولر کا کہنا ہے کہ مارکیٹ میں آٹے کے تھیلوں کی سپلائی 14 ہزارسے بڑھا کر 21 ہزار کر دی گئی ہے۔

فوڈ کنٹرولرکاکہناہےکہ آٹا چکیوں کو بھی سرکاری گندم کا کوٹہ بحال کر دیا گیا ہے، چکیوں سے عوام کو آٹا 45 روپے فی کلو ملے گا۔

واضح رہےکہ چند روزسےملک بھرمیں آٹے کا بحران ہے اور کراچی، حیدر آباد، لاہور، کوئٹہ اور پشاور سمیت مختلف شہروں میں آٹے کی قیمت 70 روپے فی کلو تک جا پہنچی ہے۔