دنیابھرکواپنی  لپیٹ میں لینےوالےمہلک  کوروناوائرس نےجہاں عالمی معیشت کواپنی لپیٹ میں لیاہےوہیں اس کےاثرات پاکستان کی مارکیٹ پربھی ہورہاہے۔

تفصیلات کےمطابق  پاکستان اسٹاک ایکسچینج میں آج کاروبارکےآغازسےہی شدید مندی کارجحان رہااور 100 انڈیکس میں 1010 پوائنٹس کی کمی ہوگئی جس کےنتیجےمیں انڈیکس 37 ہزار پوائنٹس کی نفسیاتی سطح کھوگیا۔ 100 انڈیکس 2.6 فیصد کمی سے 36600 پوائنٹس کی سطح تک گرگیا۔

دوسری جانب ایشیائی اسٹاک مارکیٹوں میں جاپانی اسٹاک مارکیٹ میں 3.3 فیصد، چینی اسٹاک مارکیٹ میں 1.7 فیصد، سنگاپور اسٹاک مارکیٹ میں 3.9 فیصد، ہانگ کانگ اسٹاک مارکیٹ میں 3.8 فیصد کی کمی ہوئی۔

بھارتی اسٹاک مارکیٹ میں بھی مندی کےبادل چھائےرہےاوربازارحصص 27سو پوائنٹس گرگیا جبکہ بھارتی روپےکی قدربھی ایک فی صد گھٹ گئی۔

امریکامیں یورپی ممالک سےآنے والے تمام افراد کےداخلے پرپابندی عائدہونےکےبعد تیل کی قیمتیں بھی مزید گرگئی ہیں،امریکی اسٹاک انڈیکس ڈاؤ جونزمیں بھی 5.39 فیصد کمی سے 1470 پوائنٹس گرگئے۔