حکومت نے دکانداروں کے لیے نئے شیڈول کا اعلان کر دیا ہے ۔

تفصیلات کے مطابق بلوچستان حکومت نے دکانداروں کے لیے نئے شیڈول کا اعلان کرتے ہوئے نوٹیفکیشن جاری کردیا جس کے تحت 15 جون تک سوموار سے جمعرات تک صبح 10 بجے سے شام 4 بجے تک دکانیں کھلیں گی۔

نوٹیفکیشن میں کہا گیا ہے کہ جمعہ کو صبح دس بجے سے ایک بجے تک کاروبار ہوگا جبکہ ہفتہ اور اتوار مکمل لاک ڈاؤن ہوگا دکانیں دو دن بند رہیں گی ۔

نوٹیفکیشن میں مزید کہا گیا ہے کہ یہ قدم اس لیے اٹھانا پڑا کہ لاک ڈاؤن میں نرمی کے اثرات خطرناک ہونے لگے جبکہ کورونا وائرس کے کیسز ملک بھرمیں تیزی سے بڑھ رہے ہیں۔

دکاندار” نو ماسک نو سروس ” کی پالیسی پر عمل کریں،اسد عمر

واضح رہے کہ ملک میں کورونا سے ہونے والی اموات کی مجموعی تعداد 1499 ہوگئی جبکہ نئے کیسز سامنے آنے کے بعد مریضوں کی تعداد 70381 تک پہنچ گئی ہے۔

اب تک پنجاب میں کورونا سے 475 افراد انتقال کرچکے ہیں جب کہ سندھ میں 481 اور خیبر پختونخوا میں 453 افراد جاں بحق ہو چکے ہیں۔

اس کے علاوہ بلوچستان میں 46، اسلام آباد 27، گلگت بلتستان میں 11 اور آزاد کشمیر میں مہلک وائرس سے 6 افراد جاں بحق ہو چکے ہیں۔