مرغی کا گوشت 80 روپے کلو اضافے سے 350 روپے کی بلند ترین سطح پر پہنچ گیا ہے۔

تفصیلات کے مطابق گوشت کی قیمت میں ہوشربا اضافہ ہو گیا ہے  جبکہ پولٹری فارمز سے مرغی کی سپلائی میں کمی ہوئی ہے۔

ڈاکٹر عمرشمشاد نے اپنے بیان میں کہا  کہ رانی کھیت ، ریسٹورنٹس، ہوٹل اور شادی کی تقریبات بند ہونے سے مرغی کی کھپت میں کمی ہوئی جب کہ  اب تک 40 فی صد پولٹری فارمز بند ہوچکے ہیں۔

 ڈاکٹر عمرشمشادنے یہ بھی کہا کہ مارکیٹ میں چوزے کی پیداوار کم ہو گئی ہے، ملک بھر میں 17000 میں سے 7000 کنٹرولڈ شیڈ پولٹری فارمز بند ہو گئے  جبکہ بریڈنگ کرنے والے 35 فی صد لوگ کام بند کر چکے ہیں

 ڈاکٹر عمرشمشادنے مزید  کہا کہ عید قریب آنے پر ڈیمانڈ بڑھے گی لیکن سپلائی کم ہوگئی ہے لہذا قیمت میں اضافہ متوقع ہے۔

گوشت کے بعد ٹماٹر بھی غریب کی پہنچ سے باہر ہے، محمد اسلم

  واضح رہے اس سے قبل بھی برائلر کی رسد میں کمی سے قیمتوں میں ہوشربا اضافہ، شہر میں مرغی کے گوشت کی قیمت بڑھ کر 240 روپے فی کلو ہوگئی تھی۔

مہنگائی کی چکی میں پسے عوام کیلئے ایک اور بری خبر، آٹے کے بعد مرغی کی قیمتوں میں اضافہ ہوگیا تھا۔

زندہ مرغی 14 روپے اضافے کے بعد167 روپے فی کلو اور مرغی کا گوشت 20 روپے اضافے کے بعد 240 روپے فی کلو ہو گئی تھی جبکہ   فارمی انڈے1 روپے اضافے کے بعد121 روپے فی درجن فروخت ہورہے تھے۔