ملک بھر میں پٹرولیم مصنوعات کی قیمتوں میں کمی کے باعث بھی عوام کو پٹرول میسر نہیں ہے۔

پی ایس او کی جانب سے ملک بھر میں پٹرول کی کمی کے متعلق انکشافات کئے گئے ہیں جس کے مطابق بتایا یہ جارہا ہے کہ رواں سال اپریل میں آئل مارکیٹنگ کمپنیوں کے پاس پٹرول کا ذخیرہ بہت کم تھا جو کہ صرف 2 سے 3 دن کے لئے ہی تھا ااور اگلے ہی ماہ یعنی مئی میں پٹرول کی طلب میں اضافہ ہوگیا تھا جو پورا نہیں کیا جاسکا۔

پی ایس او کی جانب سے وزارت پٹرولیم کو خط بھی لکھے گئے تھے جس میں واضح طور پر یہ بتایا گیا تھا کہ آئل مارکیٹنگ کمپنیاں تیل کی خریداری نہیں کر رہیں تھیں اور بعض کمپنیوں کے پاس قواعد کے مطابق 21 روز کا پٹرول ذخیرہ نہیں تھا اسی لئے پی ایس او پر پٹرول ذخیرہ کرنے کا بوجھ بڑھ گیا تھا۔

پی ایس او نے سفارش کی کہ تیل کا ذخیرہ نہ رکھنے والی کمپنیوں کے خلاف سخت ایکشن لیا جائے۔

خیال رہے کہ اوگرا کی جانب سے پیٹرول پمپس پر بلا تعطل پیٹرول اور ڈیزل پہنچانے کے احکامات جاری کیے گئے تھے تاہم آئل کمپنیوں نے اوگرام کے احکامات ہوا میں اڑا دئیے۔