ملک میں گذشتہ سال کے مقابلے رواں سال مہنگائی کی شرح میں 2.50 فیصد اضافہ ہوا ہے۔

 تفصیلات کے مطابق  مصالحہ جات کی قیمت میں 82.36 فیصد اضافہ ہوا ہے، آلو کی قیمت میں 79.58 فیصد  اور ٹماٹر کی قیمتوں میں 51.41 فیصد اضافہ ہوا ہے۔

دال مونگ کی قیمت میں 40.77 فیصد ،انڈوں کی قیمت میں 40.77 فیصد ،دال ماش کی قیمت میں 34.12 فیصد اور ویجیٹبل گھی  کی قیمت میں فی کلو 24.07 فیصد اضافہ ہوا ہے۔

دال مسور کی قیمتوں میں 23.79 فیصد اور چینی کی فی کلو قیمت میں 20.83 فیصد اضافہ ہوا ہے۔

اس کے علاوہ زندہ مرغی کی فی کلو قیمت میں 18.46 فیصد اور آٹے کے 20 کلو تھیلے کی قیمت میں 18.07 فیصد اضافہ ہوا ہے۔

ایک سال میں 20 کلو آٹے کا تھیلا 118 روپے مہنگا ہوا ہے۔ایک سال میں آلو کی فی کلو قیمت میں 30 روپے  جبکہ چینی کی فی کلو قیمت میں 13 روپے سے زائد کا اضافہ ریکارڈ کیا گیا ہے۔ پیاز کی فی کلو قیمت میں 8 روپے کی کمی ہوئی ہے۔

ایک سال میں دہی کی فی کلو قیمت میں 9 روپے  اور تازہ دودھ کی فی کلو قیمت میں 10 روپے کا اضافہ ہوا ہے۔

ایک سال میں بکرے کے گوشت کی فی کلو قیمت میں 100 روپے کا اضافہ ہوا ہے ۔دال ماش کی قیمت میں 62 روپے فی کلو  اور  دال مونگ کی فی کلو قیمت میں 69 روپے اضافہ ہوا ہے۔

انڈوں کی فی درجن قیمت میں ایک سال میں 34 روپے ،ٹماٹر کی فی کلو قیمت میں 27 روپے  جبکہ  ڈھائی کلو ویجیٹبل گھی کی قیمتوں میں 116 روپے کا اضافہ ہوا ہے۔