محکمہ ٹرانسپورٹ سندھ نے بڑا فیصلہ کرتے ہوئے روٹ پرمٹ پر جرمانہ 100 فیصد معاف کردیا۔

تفصیلات کے مطابق کورونا وائرس کے دوران پبلک ٹرانسپورٹ کی بندش سے متاثرہ عوام کے لئے ریلیف فراہم کرتے ہوئے محکمہ ٹرانسپورٹ سندھ نے روٹ پرمٹ پر جرمانہ 100 فیصد معاف کردیا۔

سندھ کابینہ کی منظوری کے بعد محکمہ ٹرانسپورٹ نے روٹ پرمٹ پر جرمانے کی معافی کا نوٹیفکیشن جاری کردیا۔

وزیر ٹرانسپورٹ اویس قادر شاہ نے کہا کہ روٹ پرمٹ فیس پر جرمانے کی معافی اپریل سے جون کی سہ ماہی کے لیے ہوگی جبکہ موٹروہیکل فٹنس سرٹیفکیٹ پر 100فیصد جرمانہ معاف کیا گیا ہے۔

یاد رہے وزیر ٹرانسپورٹ اویس قادر شاہ نے ٹرانسپورٹرز کے ریلیف کے لئے معاملہ کابینہ میں اٹھایا تھا۔