مشیر خزانہ  عبد الحفیظ  شیخ  نے ٹیکس وصولیوں اور ٹیکس گذاروں کی تعداد بڑھانے  کے لیے دستیاب ڈیٹا سے مدد  لینے کی ہدایت کردی۔

تفصیلات کے مطابق  مشیر خزانہ عبدالحفیظ شیخ کی زیر صدارت ایف بی آر پالیسی بورڈ کا اجلاس ہوا۔

اجلاس میں پالیسی بورڈ کے ٹرمز آف ریفرنس  کے لیے قائم سب کمیٹی کی سفارشات پر غور کیا گیا۔ نادرا اور ایف بی آر کے درمیان ڈیٹا شئیرنگ  کے بارے میں قائم سب کمیٹی کی سفارشات پر بھی بات چیت کی گئی۔

مشیر خزانہ کو طورخم بارڈر پر کنٹینرز کی کلئیرنس کے امور پر بریفنگ  میں بتایا گیا کہ  طورخم بارڈر پر تجارتی سرگرمیاں معمول کے مطابق چل رہیں۔

مشیر برائے ریونیو ڈاکٹر وقار مسعود کی نگرانی میں ٹی او آرز کو مزید بہتر بنانے پر اتفاق کیا گیا۔

مشیر خزانہ نے کہا کہ ٹیکس وصولیوں اور ٹیکس گذاروں کی تعداد بڑھانے کیلئے دستیاب ڈیٹا سے مدد لی جائے۔ٹیکس وصولیوں اور تجارتی سرگرمیوں کی منیجمنٹ  کے لیے ضروری اقدامات  بھی کیے جائیں۔