رواں ہفتے مہنگائی کی شرح میں معمولی کمی دیکھی گئی ہے جس کے بعد ہفتہ وار شرح  8.76 فيصد پر آگئی ہے۔

تفصیلات کے مطابق ادارہ شماریات کی جانب سے جاری کردہ رپورٹ کے مطابق رواں ہفتے مہنگائی کی شرح میں 0.23 فیصد کی معمولی کمی  کے بعد ہفتہ وار شرح  8.76 فيصد پر آگئی ہے۔

ادارہ شماریات کے مطابق اس ہفتے  پیاز پونے چار روپے فی کلو سستا  ہوکر 70 روپے  کی ہوگئی جبکہ زندہ مرغی کی قیمت تین  روپے کمی کيساتھ ایک سو پچانوے  روپے تک جاپہنچی ہے۔

رپورٹ کے مطابق ملک بھر میں بیس  کلو آٹے کا تھیلا صرف چودہ روپے ہی سستا ہوسکا ہے جبکہ کراچی میں بیس  کلو آٹے کی قیمت تیرہ سو اسی سے چودہ سو اسی روپے ریکارڈ کی گئی ہے۔

دوسری جانب چینی انتالیس   پیسے کی معمولی کمی  سے ننانوے روپے پرپہنچ گئی ہے۔