پاکستان اسٹاک ایکسچینج میں کاروباری ہفتے کے پہلے ہی روز کاروبار کا مثبت اختتام ہوا ہے۔

تفصیلات کے مطابق پاکستان اسٹاک ایکسچینج میں رواں کاروباری ہفتے کے پہلے ہی روز کاروبار میں مثبت رجحان ریکارڈ کیا گیا ہے جس میں 100 انڈٰیکس میں 584 پوائنٹس کا اضافہ ریکارڈ کیا گیا۔

انڈیکس 1.42 فیصد اضافے سے انڈیکس 41 ہزار 850 پوائنٹس کی سطح پر بند ہوا ہے جبکہ شئیرز کی قیمت بڑھنے پر مارکیٹ کپیٹلائزیشن میں 70 ارب روپے کا اضافہ ہوگیا ہے۔

یاد رہے کہ سٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 32 پیسے کی کمی واقع ہوئی ہے۔

فاریکس ڈیلرز کے مطابق انٹربینک میں ڈالر 161.37 سے کم ہو کر161.05 روپے پر بند ہوا ہے۔